‘स्वदेशी खाउँ, स्वदेशी लगाउँ’ भन्ने नाराले सार्थकता पाईरहेको छ : अध्यक्ष ज्ञवाली
आइतबार, भदौ १५, २०८२ मा प्रकाशित

बर्दिया,भदौ १५ / ‘स्वदेशी खाउँ, स्वदेशी लगाउँ, उद्यमशिलता प्रोत्साहन गरौं’ भन्ने नाराले सार्थकता पाईरहेको महिला उद्यमि महासंघकि अध्यक्ष शोभा ज्ञवालिले बताएकि छन् । महिला उद्यमी महासंघका केन्द्रीय अध्यक्ष ज्ञवालीले यो नारालाई सार्थकता दिन दशक अघि देखि प्रयत्नशिल रहेको खुलाईन् ।

घरेलु, साना र मझौला उद्योगको विकास नहुँदासम्म देश समृद्ध नहुने बताइन् । यो नारा कर्णाली प्रदेश सरकारले लागु गरिसकेको छ । उनले देश समृद्ध भएमात्रै त्यो देशका नागरिकहरु पनि समृद्ध हुने भएकाले देशको समृद्धिका लागि घरेलु, साना र मझौला उद्योग स्थापना, सञ्चालन र विकास जरुरी रहेको औल्याईन् ।

गुलरिया महिला उद्यमि संघ बर्दियाको तेस्रो साधारण सभालाई शनिबार सम्बोधन गर्दै ज्ञवालिले भनिन्, ‘मन्त्रालयमा रहेका कार्यकक्ष वा सभा हलमा स्वदेशमा उत्पादन भएको सामान प्रयोग गरिरहेको देख्दा,अब स्वदेशि खाउँ,स्वेदेशि लगाउँ भन्ने नाराले सार्थकता पाईरहेको देखिरहेको छु ।’

अध्यक्ष ज्ञवालीले पछिल्लो समय घरेलु, साना तथा मझौला उद्योगहरुमा महिलाको संख्या बढ्दै गएको बताउँदै उनीहरुहलाई प्रोत्साहनको खाँचो रहेको बताइन् । स्वदेशमा उत्पादन भएको वस्तु प्रयोग भए मात्र महिला उद्यमिको वित्तिय पक्षको सकारात्मक रुपमा सुधार हुदै जाने उनको भनाई छ । उद्यमीहरुले बनाएका सामाग्रीहरु स्वदेशमा मात्रै नभएर विदेशमा समेत प्रदर्शनी र विक्री–वितरणको व्यवस्था मिलाएको बताइन् ।

‘उद्यममा लागेका महिलाहरुको उत्साह, जाँगर र हौसला बढाउन स्थानीय तह, प्रदेश सरकार र संघीय सरकारले प्रोत्साहन गर्नुपर्ने खाँचो छ,’ उनले भनिन्, ‘स्वदेशमा उत्पादन भएका वस्तु वा सामाग्री प्रयोग गर्न बाध्यकारी बनाए मात्र उद्यमिको व्यवसाय फस्टाएर जाने छ । यस्ता सामाग्रीको बजार खोज्न संघ सधै प्रयत्नशिल छ ।

महासंघले आफ्नै देशमा रोजगारी दिनका लागि तीन प्रतिशत ब्याजमा पाँच वर्षका लागि २५ लाख रुपैयाँ सहुलियत ऋण उपलब्ध गराउन नीतिगत व्यबस्थाका लागि गरेको पहलको रिजल्ट आईसकेको उनले जानकारी दिईन ।

महिला उद्यमी संघ अध्यक्ष उमा पन्तको अध्यक्षता एवं बाँसगढी नगरपालिकाको नगर प्रमुख खड्क बहादुर खड्काको बिशिष्ट अतिथि, लुम्बिनी प्रदेश अध्यक्ष सरस्वती शर्मा पराजुली, गोमा उप्रेति कार्यक्रम अतिथि थिईन् । कार्यक्रम महिला उद्यमशिल भएर आर्थीक समृद्धि मात्र नभएर समाज र राष्ट्रको लागि रुपान्तरण गर्न मद्धत पुग्ने नगर प्रमुखको खड्काको भनाई रहेको थियो ।

गुलरियाको अध्यक्षमा रेग्मी सर्वसम्मत

महिला उद्यमी महासंघ गुलरिया महिला उद्यमि संघ बर्दियाको अध्यक्षमा उपमा रेग्मी सर्वसम्मत निर्वाचित भएकि छन् । गुलरियामा शनिबार आयोजना गरिएकोे तेस्रो साधारण सभा वा अधिबेशनबाट भेलाले रेग्मीलाई निर्वाचित गरेको हो ।

महासंघका केन्द्रीय अध्यक्ष शोभा ज्ञवालीको अध्यक्षतामा भएको कार्यक्रमले १४ सदस्यीय कार्यसमिति सर्वसम्मत चयन गरेको हो । महासंघको उपाध्यक्षमा संगिता थापा, द्धितिय उपाध्यक्षमा राधिका ज्ञवाली पौडेल, सचिव मिना चौधरी, सह सचिव करुणा कुमारी पान्डे, कोषाध्यक्ष सुनिता चौधरी छन् । यस्तै सदस्यमा ईन्दिरा सूवेदि, रुपा बझगाई, चन्द्रा वलि, शान्ती सुनार, टिकासम्सेलि मगर, बशन्ती जोशी, राधा कुवर चयन भएका छन् । निर्वाचित कार्यसमितिलाई केन्द्रीय अध्यक्ष ज्ञवालीले पद तथा गोपनीयताको सपथ गराएकी थिइन् । स्रोत नागरिकन्युज

प्रतिक्रिया

सम्बन्धित खवर

ताजा समाचार

लोकप्रिय